BUTUAN CITY – Gibana-banang muabot sa 500 milyones pesos ang kantidad sa mga irrigation system nga nadamyos sa sunod-sunod nga daot nga panahon nga mihapak sa rehiyon sa Caraga.
Sigon ni Engr. Cezar Sulaik, regional director sa National Irrigation Administration kon NIA-Caraga, halos ang tanang irrigation system sa tibook Caraga ang nadamyos sa dakong pagbaha sukad pa niadtong paghapak ni Bagyong Auring nga gisundan sa Tail-end of the cold front ug Low Pressure Area kon LPA.
Alayon niini, maghimu matud pa sila ug validation sa tanang nadamyos ug isubmite sa NDRRMC sa probinsiya ug rehiyon aron mabuhatan ug joint validation ug maduso ngadto sa nasyunal nga NDRRMC aron sa ingon nga mahatagan ug calamity fund.
Kini human sa pagpasabot nga walay standby fund ang ahensiya nga mamahimong magamit sa pag-rehabilitate sa naguba sa kalamidad ug dili usab pwede mahilabtan ang pondo nga gitagana sa naka-programa na nga proyekto.
