-- ADVERTISEMENT --
BUTUAN CITY – Dead-on arrival ang usa ka kaslonon human kini nakasugat ug aksidente sa kadalanan alas 6:20 sa kagabii sa may Capitol-Bonbon Road ning siyudad sa Butuan.
Naila ang biktima nga si kent Dano, 31-anyos nga taga Barangay Maon.
Sumala sa imbestigasyon sa Butuan City Police Station kon BCPS-3, nasundan sa biktima ang laing single motor nga gimanehuan ni Junairi Mahinay, 25-anyos nga residente sa Barangay Pinamangculan, sa dihang kalit lang kining mi-break hinungdang iya kining nabang-gaan nga miresulta sa ilang pagkalagpot.
Na-grabihan ang biktima human kini nakahiagum ug damyos sa ulo nga daling gidala sa Agusan Del Norte Provincial Hospital apan gideklara kining dead-on arrival.
