BUTUAN CITY – Nanghinaot si Col. Rey Pasco, commander sa Civil Military Operations Battallion (CMO) sa Army’s 4th Infantry Division nga nakabase sa Bancasi, ning siyudad sa Butuan, nga wala pasipad-e ang gidagit nga sundalong miyembro sa 30th Infantry Battalion, Philippine Army nga nagabase sa Surigao Del Norte.
Sigon sa opisyal, duna nay negosasyon nga nahitabo ngadto sa rebelding grupo nga nidagit kang Pfc Erwin Salan.
Apan dili segurado ang opisyal sa kahimtang sa sundalo tungod kay wala may direktang kutay ngadto sa mga abductors, nga base sa mga nakakita, grupo matud pa ni AKA Ricky sa Guerilla Front Committee 16-A.
Nanghinaot nalang kini nga wala pasipad-e ang biktima ilabina kay walay daotang tumong kini sa pag-adtu sa Alegria, Surigao del Norte.
Gipadayag nalang ni Pasco nga ang kasundaluhon dili maka-ako sa pagbiya sa mga hilit nga kumunidad ug nagsakrapisyu kini aron lang makatabang sa mga kabus.
