BUTUAN CITY – Gikumpirma ni Lt. Col. Glen Aymira Batallion commander sa 29 IB sa Philippine Army ang sunod-sunod nga pagpangharass sa rebelding grupo sa 3 ka detachment sa lungsod sa Kitcharao, Agusan Del Norte.
Sigon sa opisyal, walay natalang samaron o kaha casualty matud pa sa pag-ambush sa detachment sa Barangay San Isidro ug Mahayahay pasado alas 1:30 kagahapon sa kaadlawon ug paglabay sa usa ka oras, gi-ambush usab ang detachment sa Barangay Hinimbangan.
Hinoon giklaro niini nga walay nasamdan sa tropa sa gobyerno sa pagpangatake sa Committee Front 16 sa New People’s Army kon NPA.
Gipadayag usab sa battalion commander nga kanunay silang naka-alerto tungod na usab sa na-unang mga insidente sa pagpangatake sa detachment particular na sa Barangay Mat-i ug Alegria.
Nagpahigayon lang matud pa ug COPD ang kasundaluhan sa maong lugar diin naghatag kini ug mga serbisyung panginabuhian sa mga residente.
Nihangyu nalang kini sa walhong grupo nga undangon na ang susamang pagangatake tungod kay ang labing na-apektuhan niini mao ang mga sibilyan.
