BUTUAN CITY – Muabot na sa halos 10-mil ka mga pamilya sa tibook rehiyon sa Caraga ang apektado sa mga pagbaha nga hatod sa daot nga panahon.
Ang nasangpit nga ihap bugti sa kapin 42-ka indibidwal nga nagsumikad sa 4 ka probinsiya kansa anaa karun sa 148 ka mga evacuation centers.
Sigon ni Eunice Montaos Plaza, public information officer sa Department of Social Welfare and Development kon DSWD-Caraga, activated na ang quick response team sa buhatan aron matabangan ang mga apektadong indibidwal.
Padayon usab ang preposisyon sa mga food packs ug non-food items human usab naka-tabang na kini sa mga apektahan sa daot nga panahon.
Sa pagkutlo ning balita, muabot na matud pa sa 4-milyones 35-mil 957 pesos ang kantidad sa mga food packs ug non-food items ang nahatag sa tibook rehiyon.
Padayon usab ang repacking karun sa rehiyunal nga warehouse aron dunay naka-standby nga mga relief good nga ihatag isip augmentation support sa mga apektadong lugar.
Gipaneguro usab ni Plaza nga andam kanunay ang ahensiya sa pagtabang dungan sa pagbutyag nga dunay standby fund karun nga 13-milyones 251-mil 921 pesos aron dunay magamit nga pangpalit ug pagkaon alang sa mga namakwit nga indibidwal.
Samtang 230-mil 830 pesos ang nahabiling pondo nga naka-standby alang sa pagpalit ug mga non-food items.
