BUTUAN CITY – Gikumpirma sa Surigao del Sur Irrigation Management Office nga mukabat sa 60-milyunes pesos ang damyos nga gibiyaan ni bagyong Auring diha sa mga irrigation projects nga naghatud og mga pagbaha niining weekend.
Base sa assessment report nga nadawat gikan sa National Irrigation Administration-Surigao del Sur Irrigation Management Office, nadamyos ang pipila nila ka mga pasilidad og mga imprastraktura human nabanlas tungod sa mga pagbaha.
Mi-abot usab sa kinatibuk-ang 5,177 ka mga mag-uuma ang apektado gikan sa mga siyudad sa Bislig og Tandag og mga lungsod sa Madrid, Cantilan, Tago, San Miguel, San Agustin, Lanuza, Marihatag, Cagwait, Lianga, Barobo, Hinatuan og Lingig.
Apil sa mga nadamyos nga imprastraktura ang Sta. Felomina Dam sa Tandag City, Hubo Dam sa San Agustin, mga irrigation projects sa lungsod sa San Miguel og ubang mga communal irrigation systems kon CIS og national irrigation system kon NIS. (Beth Ruiz)
