BUTUAN CITY – Nakabalos pa pagpusil ngadto sa mipusil kaniya ang usa ka drug personality adiser kini nakabsan sa kinabuhi hinungdan sa pagkasikop sa responsable, atol sa gilusad nga manhunt operation sa kapulisan sa Trento, Agusan del Sur.
Naila ang biktimang si Arman Batitang, 39-anyos, minyo og residente sa Brgy. Mana, Trento, Agusan del Sur samtang ang suspek, nailang si Roger Bantasan Lilian, 41-anyos, Purok 8, Brgy. Binahan, lungsod sa Bunawan.
Nasayrang igo sa likod nga milapos sa dughan ang na-angkon sa biktima kinsa mibakod pa dayong pusil sa suspek gamit ang iyang magnum 357 revolver. Gisundan kini sa suspek paglabay og granada kansa wala maka-apekto sa biktima kinsa nakabsan gihapon sa iyang kinabuhi.
Sa gilusad nga manhunt operation, nasikop ang suspek dihang i-refer na unta aron magpatambal sa Davao Regional Medical Center sa Tagum City hinungdan sa iya karong pagka-hospital arrest.
Gika-ingong anaa sa drugs watchlist sa kapulisan ang biktima apan wala mitahan sa iyang kaugalingon.
Sa lantaw ni P/Sr. Insp. Melvin Rufon – hepe sa kapulisan sa Trento, Agusan del Sur, personal nga bangi ang posibleng motibo sa kremin tungod kay daan na matud pang duna’y bikil ang duha. (Beth Ruiz)
