BUTUAN CITY – Mikunhod og 30 porsiento ang rata sa kremin ning rehiyon sa Caraga sa tuig 2016.
Sigon ni Police regional Office kon PRO 13 Regional Director Chief Supt. Rolando B. Felix, milansang sa kinatibuk-ang 10,029 ang kremin niadtong 2016 nga mas ubos kumpara sa 14,331 nga nalistang kremin naidtong 2015.
Base sa natalang rekord sa Regional Investigation and Detective Management Division kon RIDMD, 63 porsiento sa kremin ang nasolbad niadtong 2016 kumpara sa 44 porsiento lang niadtong 2015.
Gipakita usab sa data nga ang mga kremin nga dunay kalabutan sa pagpatay, paglugos, og pagpangawat, mihagba og 50 porsiento nga duna lay 2,594 ka kaso sa tuig 2016 kumpara sa 5,194 niadtong 2015 samtang ang physical injury nga miabot sa pinakataas niadtong 2015 sa 1,029 ka kaso, mikunhod og 27 percent o 749 lang sa 2016.
Apan ang kaso sa pagpatay nga 395 lang niadtong 2015, misaka kini sa 405 sa niaging tuig.
Gipadayag nalang sa regional director nga ang maong pagkunhod sa kremin, tungod sa hiniusagng paningkamot sa kapulisan ug mga kaubanang ahensiya ning rehiyon.
