3 ka minero, milagrong nabuhi human natabunan sa nahugnong minahan sa Surigao City atol sa bagyong Auring
BUTUAN CITY – Na-confine karon sa Caraga Regional Hospital nga nakabase sa Surigao City ang tulo ka mga minero humanatabunan sa lapok dihang nahugno ang ilang gitrabahuang minahan.
Na-ila ang mga biktimang sila Elmar Bastasa, 24-anyos, minyo, residente sa Purok 3, Brgy. Mabini sakop sa Surigao City; Jason Duran, 26-anyos, residente sa Purok Avocado, Brgy. Quezon og Alfredo Martinez, 26-anyos, ulitawo og residente sa Km. 2, Brgy. Luna sakop sa susamang siyudad.
Nasayrang samtang mikuso-kuso si bagyong Auring, nagtrabaho pa ang mga minero sa bukirang bahin sa Brgy, Mabini hinungdan nga wala na makagawas pa dihang nahugnao ang maong minahan.
Na-rescue sila sa mga rescuers sa Surigao City human ang pipila ka adlaw nga operasyon. (Beth Ruiz)
