BUTUAN CITY – Kasong reckless imprudence resulting to double homicide ang kasong ipasaka sa kapulisan sa Tago, Surigao del Sur batuk sa driver sa usa ka ambulansya human niini nabanggaan patay ang usa ka pastor og asawa niini resulta sa ilang kamatayon.
Naila ang mga biktimang sila Jocelyn Bate og Kennedy Bate, pastor sa Southern Baptist Church og pulos residente sa Purok 1, Brgy. Magruyog, San Miguel, Surigao del Sur samtang ang suspek nailang si Rudy Ronquillo kinsa gikostudiya na sa kapulisan sa Tago.
Sigon ni P/Chief Insp. Eldy Dedicatoria – hepe sa kapulisan sa maong lungsod, padulong matud pa sa Tandag City ang ambulansya aron kuhaon ang mga tambal nga gamiton sa medical mission sa lungsod sa San Agustin sa susamang lalawigan.
Apan pag-abot sa national highway sa Brgy. Dayo-an sa maong lungsod, nakatagpilaw ang driver hinungdan nga nakatabok kini sa pikas lane nga gisubay sa magti-ayong sakay sa motorsiklo resulta sa head on collission.
Gidala pa ang magti-ayon sa ospital apan gideklara silang dead-on-arrival sa attending physician. (Beth Ruiz)
