BUTUAN CITY – Luwas nga naka-abot kagabii sa pantalan sa Nasipit. Agusan del Norte ang 92 ka mga Caraganon Overseas Filipino Workers ug seafarers nga pila ka semana nang stranded sa Manila tungod sa pag-quarantine kanila.
Sa pakihinabi sa Bombo Radyo Butuan, gibutyag ni Nasipit Mayor Enrico Corvera nga ang maong mga repatriated Caraganons ipailalom una sa mandatory profiling, health protocols ug medical inspection adiser gitugutan nga makapauli pinaagi sa tagsa-tagsa ka mga syudad ug munisipilidad nga ilang uli-an.
Gilauman usab ni Mayor Corvera nga ubay-ubay pa ang mangabot nga mga OFW nga gikan sa bisan asang lugar sa nasud kansa wala’y usab problemaalang kaniya basta diha lang sila kutob sa pantalan ug magpasalig ang matag-LGU nga ilang uli-an nga sunduon silaog mga service vehicles.
Nasayrang ang papa-uliong mga OFWs napa-ilalom na sa mandatory quarantine ug nakapasar na sa mga gikinahanglang agi-ang testing.
Base sa impormasyon gikan sa Agusan UP pinaagi sa Overseas Workers Welfare Administration kon OWWA Caraga, 12 sa maong mga OFWs residente sa Agusan del Norte kondiin tag-tulo ang taga-Nasipit ug Jabonga samtang tag-upat sa Buenavista ug Cabadbaran City ug tag-usa sa Kitcharao, Tubay ug Magallanes.
Ang maong mga OFWs dunay sertipiko gikan sa Bureau of Quarantine nga maoy magpamatuod nga ilang gisunod ang saktong health protocols sama sa pagnegatibo nila sa swab test.
