BUTUAN CITY – Miabot sa 71 ka rebeldeng Communist Party of the Philippines-New People’s Army kon CPP-NPA sa Caraga ug Northern Mindanao Regions ang bulontaryong misurender sa mga field units sa 4th Infantry “Diamond” Division, Philippine Army adiser pa ang 50th anniversary sa NPA karong Marso 29.
Sa maong ihap, 29 niini ang mga aktibong NPA fighters, 13 ka sakop sa Militia ng Bayan ug 24 ka Underground Mass Organizations nga gikan sa Sitio Ibuan, Barangay Mampi, Lanuza Surigao del Sur kinsa mitahan sa 36th Infantry “Valor” Battalion niadtong Marso 22 samtang laing upat ang regular members sa NPA nga mitahan sa 58th Infantry “Dimalulupig” Battalion ug usa ang misurender sa 1st Special Forces “Anytime, Anywhere” Battalion niadtong Marso 20.
Bitbit sa ilang pagtahan ang nagkada-iyang medical ug dental supplies, cellphones ug uban pang mga war materials og kini resulta sa wala’y hunong nga combat operations ug padayong pagpatuman sa Community Support Programs.
Nagpahinuklog usab kanila sa pagtahan ang kawala’y makuha diha sa pakig-giyera batuk sa gobyerno og ang lapad nga tabang sa mga Local Government Units ug Local Government Agencies.
Alayon niini, nagpasalamat si 4th ID commander Major General Franco Nemesio Gacal, sa mga Battalion Commanders ug sa tropa sa 36th IB, 58th IB ug 1st SFB kauban ang LGUs sa ilang lugar sa kalampusang ilang nakab-ot.
Gipa-ilalom na ang mga kanhe rebelde sa gikinahanglang proseso aron madawat ang benipisyo sa Enhanced Comprehensive Local Integration Program kon E-CLIP.
Nasayrang sulod lang sa tulo ka buwan ning tuiga, miabot na sa katibuk-ang 423 ka rebeldeng NPA ang misurender og nagpuyo na karong malinawon.
