BUTUAN CITY – Andam na ang Overseas Workers Welfare Administration kon OWWA-Caraga sa pag-atiman sa mga Overseas Filipino Workers kon OFW nga apektado sa giyera sa middle east.
Sigon ni Rodel Deligero, Officer-in-charge, designate sa OWWA-Caraga nga gimandu mismo sa OWWA Administrator Patricia Yvonne Caunan ngadto sa mga regional offices nga mangandam sa posibleng mass repatriation ugaling ipasaka pa sa alert level 3 o 4 ang kagubot sa Middle East.
Sumala pa ni Deligero nga gibana-banang liboang mga Filipino ang ma-repatriate ugaling mosamot pa ang kagubot sa maong nasud.
Apan sa karun, ang naka-abot palang mao kadtong mga na-stranded gikan sa NAIA og ang mga OFW nga gikan sa Hongkong og Singapore.
Gawas sa transportasyon, lakip sa gi-andam sa ahensiya ang nag-unang panginahanglanon og ang temporaryong accomodation ilabina kung residente kini sa hilit nga lugar dinhe sa rehiyon.
Hugot ang pakig-alayon usab sa Civil Aviation Authority of the Philippines kon CAAP aron mahibal-an kung dunay moabot nga Caraganons.
Gikumpirma usab ni Deligero nga walay deployment sa Overseas Filipino Workers sa Iran tungod kay walay kasabutan alang niini apan duna gihapoy nga Filipino nga anaa sa mga nasud nga makonsiderang undocumented tungod kay walay pormal ang pag-adtu niini.
Apan gipaneguro niining tabangan gihapon ang nasangpit nga mga kababayan.
Gitumbok pa sa opisyal nga communication gayud ang pinaka-importante sa karun diin dapat ma-contact sila aron makumusta og matambagan sa ilang angay nga buhaton.
