BUTUAN CITY – Pabiling stranded ang kapin sa 400 ka mga pasahero og ang mga cargo shipments sa pantalan sa Nasipit, Agusan del Norte bisan pa man og nakagawas na sa Caraga Region ang bagyong Agaton.
Gibutyag ni petty officer end class Adrian Dimalucos sa Philippine Coast Guard kon PCG-Nasipit, tungod kay anaa gihapon sa storm signal number 1 ang lalawigan sa Cebu diin maoy destinasyon sa na-stranded nga barko, hinungdan nga wala pa nila gitangtang ang kanselasyon sa paglawig sa kadagatan.
Gawas sa usa ka de-pasaheruang barko, duha ka mga cargo ships usab ang mitago sa maong pantalan aron masigurong luwas sila sa pagkuso-kuso sa barko.
Gidugang sa opisyal nga matugutan lang ang pagbiyahe sa maong mga barko kung matangtang na usab ang storm signa sa Cebu nga hatud sa bagyong Agaton.
Susamang sitwasyon usab sa Surigao City kondiin kapin sa 300 ka mga pasahero ang wala pa gipalawig gawas lang sa pipila ka mga cargo ships na ang destinasyon, mao ang mga lugar nga dilii apektado sa bagyo. (Beth Ruiz)
