BUTUAN CITY – Hugot nga gipahinumduman ang katawhan sa San Francisco, Agusan Del Sur nga likayan ang pag-organisa og illegal nga drag racing.
Kini human usab ang malampuson nga pag-aresto sa 7 ka indibidwal niadtong Pebrero 21, 2026 tungod sa paglambigit sa Drag racing diin lakip sa ilang atubangong kaso ang Alarm and Scandal ug Disobedience in Agent of Person in Authority.
Natigayon ang pag-aresto bandang alas 4:00 sa hapon sa Diversion Road, Barangay Sta. Ana, San Francisco, Agusan del Sur diin ang nadakpan gilangkuban sa tulo ka mga anaa sa legal nga pangedaron samtang ang uban pulos mga menor-de-edad nga parehong mga residente sa Rosario, Agusan del Sur.
Sumala sa imbestigasyon sa kapulisan, ang mga suspek miapil sa gihimong illegal drag racing sa nasangpit nga barangay diin naghatag og kahadlok og ladelikado sa mga biyahero ug sa mga residente.
Sa dihang mi-responde ang mga pulis, mibalibad sa pagsunod sa mando ang mga niini nga nagresulta sa ilang pagkaaresto.
Ang mga menor de edad gipailalom sa mga nagtunhay nga pamaagi alayon sa balaod sa hustisyang pangkabataan ug kaayuhan sa bata.
Ang kasong Alarm and Scandal at Disobedience in Agent of Person in Authority pormal nang pasaka sa Provincial Prosecutor’s Office of Agusan del Sur sa Patin-ay, Prosperidad, Agusan del Sur.
Lakip sa gipahinumdum sa San Francisco MPS sa publiko gna erepetu ang mga awtoridad, ipabilin ang maayong pamatasan diha sa mga pampublikong lugar ug musunod sa mga nagtunhay nga balaod isip kabahin sa pagpabilin sa kalinaw og kahapsay sa komunidad.
