BUTUAN CITY – Gipa-ambit ni Agusan del Norte Board member ug kaniadto Bombo Radyo Butuan chief of reporters Erwin Dano ang iyang kasinatian sa pag-cover niadtong pagsilbi sa warrant of arrest sa kapulisan kang kanhi Dinagat Islands Congressman Ruben Ecleo Jr. niadtong Enero 2002.
Sa pakighinabi sa Bombo Radyo Butuan, gisaysay ni Dano nga dili sayon ang kasinatian niya sa pag-cover sa maong panghitabo didto sa mansyon sa mga Ecleo sa lungsod sa San Jose sanglit sa pagplano pa lang sa mamahimong lakang sa kapulisan, grabe na ka komplikado ug sensitibo.
Sumala niini, tungod kay grabe kay dedicated ang mga miembro sa Philippine Benevolent Missionaries Association, Inc (PBMA) naghimo sila og lat-ang lat-ang nga human shield resulta nga naglisod sila pag-penetrate sa lugar.
Gibutyag usab niini nga ang Bombo Radyo Butuan lamang ang unang naka-uban ug naka-penetrate sa lugar pinaagi sa convoy kaniadto ni PRO-13 regional director Alberto Olario didto sa lungsod sa San Jose kondiin ang lead agency mao ang Criminal Investigation and Detection Group (CIDG) Caraga.
Sumala ni Dano, vocal kaayo ang mga miembro sa maong organisasyon sa lugar kaniadto nga misugat kanila ondiin walay pasudlon bisan ang kapulisan labi na ang Bombo Radyo butang nga nakapakuyaw kaniya apan alang-alang sa gipanumpaan nga maghatod og impormasyon sa katawhan ingon man sa pagpasalig ni regional director Alberto Olario, gihimo niya ang pagserbisyo.
Gidugang ni Dano nga gitago una niya ang iyang identity nga gikan siya sa Bombo Radyo isip pagtamod usab sa mando ni General Alberto Olario diin adtong panahona, daw nahimo siya secretary sa han-ay
Nasulod lamang nila ang mansion human mihatag og kahigayunan si kanhi Governor Glenda Ecleo, inahan ni Ruben Jr. nga pasudlan kini pinaagi sa diplomatic approach kondiin taliwa niini mabantayan gihapon nga duna na’y tensyon tali sa kapulisan ug sa mga miembro sa PBMA.
Human niini mi-widraw kunuhay ang kapulisan apan duna’y gibiling special force sa lugar dayong himo og pag-meeting sila regional director Alberto Olario sa Surigao City bahin sa sunod nga lakang.
Sumala ni Dano mibalik sila sa San Jose pagka alas-10 sa gabie nga gitawag niyang secret operation ug pagka alas-2 sa kaadlawon, sayong ni-penetrate ang han-ay ug nagpabilin lang siya sa ubos nga bahin.
Saysay niini nakamatikod ang mga sakop ni Ruben Jr. ug sunod-sunod na nga mga buto sa pusil ang iyang nabati kansa miresulta sa 23 ka mga tawong patay kondiin usa ang nakalas sa mga pulis nga gikan sa Surigao del Norte Police Provincial Office ug pipila usab ang angol
Nahunong lang ang binakbakay pasado alas siete na sa buntag dihang nakigsabot si kanhi Governor Glenda Ecleo, inahan ni Ruben kang kanhi Interior and Local Government Secretary Robert Barbers nga miresulta sa pagkasikop na ni Ruben Ecleo Jr. ug uban pa niining mga ginsakupan.
