BUTUAN CITY – Nahidangat na ang 625 ka mga Locally Stranded Individuals (LSIs) dinhi sa Caraga sakay ang chartered voyage sa international port sa Nasipit, Agusan del Norte bandang alas 12:55 kaganinang kaadlawon.
Ang maong mga LSIs kon stranded Caraganons, gikan pa sa Manila ,Cebu ug Cagayan de Oro cities nga manguli usab sa managlahing probinsya ning rehiyon sa Caraga human na-stranded og duha ka buwan ug tunga tungod sa gipatumang lockdown nga hatud sa COVID-19 pandemic.
Adiser gisakay sa mga misundo kanilang sakyanan nga gikomisyon sa ilang mga city ug provincial governments diin sila namuyo, gipa-ilalom una sila sa standard health protocols.
Ang ilang pagpa-uli subay na sa ‘Balik Probinsya Program’ uban sa koordinasyon sa Inter-Agency Task Force (IATF), Department of Interior and Local Government (DILG), Department of Social Welfare and Development (DSWD), Department of Health ug sa congressional office ni Butuan City ug Agusan del Norte 1st District Rep. Lawrence Lemuel Fortun.
