BUTUAN CITY – Ipasaka na ang kaso ugmang adlawa pinaagi sa inquest proceedings batuk sa 60-anyos nga tigpayuhot sa ginadiling drugas nga nasapon sa buybust operation kaganinang alas 2:50 sa buntag sa P-14, Poblacion, Trento, Agusan Del Sur.
Gihimu ang operasyon sa ginsakpan sa Philippine Drug Enforcement Agency kon PDEA-Agusan Del Sur og Trento Municipal Police Station diin nasikop ang suspetsadong si Ricardo Jalandoon Tornea alyas toto, 60-anyos, usa ka maguuma.
Sigon ni Dindo Abellanosa, Regional Information Officer sa PDEA-Caraga, nga muabot sa 15 ka sachet sa gitoohang shabu ang nakuha gikan sa posisyon sa suspek, nga motimbang ug 2.5 gramos nga dunay market value nga 12, 250 pesos.
Hinoon nagnegatibo sa gihimung drug test ang suspetsado.
Sumala pa ni Abellanosa nga karaang target nila ang maong suspek nga naka-ikyas sa gihimung operasyon niadtong Enero.
