BUTUAN CITY – Padayon pang gi-ila sa mga otoridad ang tulo ka mga rebeldeng New People’s Army kon NPA nga napatay sa engkwentro tali sa mga sakop sa 29th IB, Philippine Army sa Sitio Taiwan, Barangay Bangayan, Kitcharao, Agusan del Norte.
,
Gikumpirma ni Lt. Romalyn Cabales – Civil Military Operations kon CMO officer sa 29th IB, Philippine Army, n ga mga membro sa Guerrilla Front-16 sa North Eastern Mindanao Regional Committee kon NEMRC ang mga namatay.
Narekober usab sa tropa ang usa ka M4 sniper Rifle with scope, mga bala, lima ka mga improvised explosive devices kon IEDs, usa ka granada og mga cellphones gikan sa na-overrun nga kampo sa mga NPA nga gika-ingong maka-akomodar og usa ka gatus ka mga tawo.
Samtang laing duha ka mga rebeldeng NPA usab ang patay apil na ang kumander human ang engkwentro sa bukirang bahin sa Santa Emillia, Veruela, Agusan del Sur pasado alas 4:00 sa hapon.
Nagpatrolya ang tropa sa 26th Infantry Battalion, Philippine Army sa maong lugar dihang ilang naka-agbat ang grupo sa mga rebeldeng NPA sulod sa 15-minutos resulta sa kamatayon sa kumander nga na-ilang si Leby Bunganon, Platoon leader sa Southern Mindanao Regional Committee samtang gi-ila pa ang ka-ubanan niining patay usab sa hitabo.
Gawas sa armas, nakumpiska usab sa kasundalohan ang mga dokumento og walo ka mga back packs nga duna’y sulod nga mga medical supplies.
Nagpadayon pa ang pursuit operation kondiin gisubay sa kasundalohan ang direksyong duna’y mga nabiling lama sa dugo ang mga rebelde.
(Melody Valledor)
