BUTUAN CITY – Lima ang patay samtang walo ang angol human gidasmagan sa usa ka bus ang usa usab ka multicab sa Lupi local government unit sa may Andaya Highway, lungsod sa Ragay, Camarines Sur ning mi-aging gabii.
Sigon ni PMajor Julius Prima – hepe sa Ragay Municipal Police Station, natigayon kini pasado alas-nueve sa gabii sa Port Junction Sur dihang gisubay sa bus nga duna’y 28 ka mga pasahero, ang south-bound padulong sa Tabaco City samtang ang multicab nga duna’y 13 ka mga pasahero, padulong usab sa lungsod sa Del Gallego.
Sigon ni Prima, duna matud pa’y nakita ang bus driver nga orange safety barrier rason nga iya kining gilikayan nga miresulta sa ilang panagbangga sa multicab kansa na-igo sa wala nga bahin ug natangtang ang atop resulta sa pagkalabay sa mga pasahero resulta sa pagkamatay gilayon sa lima.
Wala’y na-angol sa mga pasahero sa bus samtang usa na lima ka buwan pa lang nga bata ang milagrong naluwas sa insidente.
