-- ADVERTISEMENT --
BUTUAN CITY – Lima ka mga barangay sa lungsod sa La Paz, Agusan del Sur ang nabahaan tungod sa pila ka adlaw nga pagbundak sa kusog nga ulan nga hatud sa hanging habagat kon southwest monsoon.
Apil niini ang ang barangay Sabang Adgawan, Bataan, Comota, San Patricio, ug Panagangan apil ang Sitio Magbuya.
Kaganinang buntag, gibisita ni La Paz Mayor Michael Lim ang Barangay Panagangan aron masuta kung luwas ba ang katawhan ug ang ilang mga kabtangan ingon man aron personal nga makita ang water level.
Nasayrang mitumaw ang baha tungod sa pag-awas na sa Agusan River ingon man sa mga suba sa Adgawan ug Umayam.
-- ADVERTISEMENT --
