BUTUAN CITY – Padayon pang gisuta sa ginsakpan sa Parang Fire Sub-Station ang kinatibuk-ang damyos sa tulo ka mga panimalay ang na-abo sa sunog kagahapon sa alas-3:30 sa kaadlawon didto sa Purok 1, Brgy Parang, lungsod sa Cantilan, Surigao del Sur.
Base sa inisyal nga imbestigayon, ang mga panimalay nga nasunog gipanag-iyahan nila Aldrin Cale, Adora Bajao ug ang gi-abandona na nga balay ni Rudy Almeda nga naka-apekto sa 12 ka mga indibidwal.
Mi-abot sa lima ka mga fire trucks ang miresponde sa sunog nga nadeklarang fire out pasado alas-6:15 na sa buntag kagahapon. Gisuta pa usab kung asa naggikan ang mi-ulbo nga kalayo kansa tungod kay kaadlawon, hinungdan sa paspas nga pagsilaab niini apan wala’y gikatahong na-angol o kaha nakalas sa insidente.
