BUTUAN CITY -Hingpit nang nakapanumpa ang 500 ka mga Philippine National Police kon PNP recruits sa Police Regional Office kon PRO-13 kaganinang buntag nga gipahigayon sa Regional Police Headquarter Office Grandstand sa Camp Rafael Rodriguez sa Brgy. Libertad ning siyudad.
Ang maong mga patrolmen and women nga gilangkuban sa 72 ka mga patrolwomen ug 428 ka mga patrolmen kinsa kabahin sa regular recruitment program alang sa calendar year 2019. Sa 500 ka mga bag-ng pulis, 314 kanila ang mga criminologists samtang 40 ang mga membro sa Indigenous Cultural Communities.
Mismong si PRO-13 regional director PBGen Gilberto DC Cruz ang nagpapanumpa sa maong mga police recruits.
Human sa ilang pagpanumpa, gisunod ang ceremonial nga pagpang-apod apod sa ilang mga ATMs, PhilHealth cards, BIR, TIN number ug Pag-IBIG ID.
Migikan gilayon sila padulong sa brgy. Lipata sa Surigao City alang sa unom ka buwan nilang training sa Regional Training Center og magdawat na sila og suhulan nga a P29, 668 gawas pa sa dugang allowances.
