BUTUAN CITY – Malampuson ang gipahigayong awarding ceremony sa Enhanced Comprehensive Local Integration Program kon E-CLIP ngadto sa 49 ka mga kanhi rebeldeng New People’s Army kon NPA nga naglihok sa Agusan Del Sur og mibalik na sa sabakan sa balaud.
Ang maong kalihukan gipangunahan ni Governor Eddie Bong Plaza uban nila MGen. Franco Nemesio Gacal, brigade commander sa 4th Infantry Division, Philippine Army; 401st Brigade commander BGen. Andres Centino, Interior and Local Government Assistant Sec. Alexander Macario og uban pa.
Una nang gibutyag ni Major Rodolfo Cordero – Civil Military Operations kon CMO officer sa 401st Brigade nga 4-milyones pesos ang madawat sa mga rebel surrenderees kondiin ang matag-usa kanila makadawat og kapin sien mil pesos.
Apil na niini ang livelihood assistance nga 50-mil pesos, immediate cash assistance nga 15-mil pesos ug bayad pa sa tag-as nga kalibre sa armas nga ilang dala.
Makadawat usab sila og mga food packs plus 5-mil pesos gikan sa Department of Social Welfare and Development kon DSWD.
Samtang laing tabang usab ang itunol gikan sa LGU og Department of Health kon DOH diin ang tanan ipasulod sa Philhealth.
Ang nasangpit nga mga surrenderees, init usab nga gidawat ni Agusan del Sur Police Provincial Director Sr. Supt. Kon Police Col. Ringgo Zarsozo.
