BOMBO BUTUAN – Gi-andam na ang kasong ipasaka batuk sa usa ka senior highschool student kansa nakuhaan ug 39 ka sachet sa gitoohang shabu atol sa buybust operation kagahapon sa alas 5:00 sa hapon sa atubangan sa Obrero Elementary School sa Barangay Obrero ning siyudad sa Butuan.
Naila ang suspetsado nga si Mark Alingatong, 18-anyos, residente sa Barangay Bading, ug Grade 12 student sa Butuan City School of Arts and Trades kon BCSAT sa kursong automotive mechanic.
Nakumpiska sa mga personahe sa anti-illegal drug unit sa Butuan City Police Office, ang 39 ka sachets sa gidudahang shabu nga mitimbang ug 5 gramos og gibana-banang nagkantidad og 59-mil pesos. .
Sigon ni SPO2 Jun Bacular, bag-ong na-identify nga tigpayuhot sa ginadiling drugas ang maong suspek kinsa halos 2 ka semana nilang gipa-ilalom sa survielance.
Gkustodiya na sa Butuan City Police Office ang suspek alang sa tukmang disposasyon. (Rolan Janea)
