BUTUAN CITY – Gikumpirma ni 1Lt Jonald Romorosa- Civil Military Operations kon CMO officer sa 36th Infantry ‘Valor’ Battalion, Philippine Army nga gibuhian na sa mga rebeldeng New People’s Army kon NPA ang tulo sa upat nila ka mga sibilyang ilang gibihag sa boundary sa Tandag City og lungsod sa Lanuza, lalawigan sa Surigao del Sur.
Sa eksklusibong interview sa Bombo Radyo Butuan, gipadayag sa opisyal nga sila Wendil Delicuna, Jeffrey Delicuna og Angelo Duazo gibuhian sa Vic Mahawan, Sitio Banahao, Brgy Maitom sa Tandag City, samtang padayon pang gihuptan sa mga rebelde si Ryard Badiang nga gihimo nilang taming sa migukod kanilang tropa sa kagamhanan.
Base sa ilang imbestigasyon sa mga biktima, nasaurang gikumbinsi matud pa sila sa ilang mga abductors nga dili suportahan ang tukurong CAFGU Detachment sa Sitio Ibuan sa Brgy. Mampi lungsod sa Lanuza diin nagpuyo ang mga biktima.
