BUTUAN CITY – Malipayong modawat ug award karung gabii ang tulo ka mga indibidwal gikan sa rehiyon sa Caraga sa himoong Regional Juvenile Justice and Welfare Council kon RJJWC Praise and Loyalty award didto sa Quezon City.
Naila ang mga niini nga sila Ruben Tagnipis nga nabutang sa pinaka-unang ang-ang og sila Marrieta Jandayan ug Dante Rosales.
Sa ekskusibong pakighinabi ning sibyahan kang Ruben Tagnipis nga taga Barangay San Vicente Ferrer ning siyudad sa Butuan, nagpadayag kini sa iyang hilabihang kalipay nga nabutang sa unang puwesto sa maong pasidungog.
Siya ang nakakuha sa pinakadakong rating sa central office sa target nga trabahoon niadtong 2017.
Lakip sa iyang trabaho mao ang pakig-alayon sa ubang ahensiya mahitungod sa pagpalambu sa kahimtang sa mga batang nalambigit sa kahiwi-an.
Dugang pa ni Tagnipis nga siya ang mag-follow up ilabina sa mga programa alang kabatan-onan ug ang naninguhang makamontar ug Bahay-Pagasa sa mga lokal nga kagamhanan nga kabutangan sa mga batang makasala adiser ibalik sa kumunidad.
Gipahayag usab niini nga nigamay ang ihap karun sa mga batang nakasala nga tungod na usab sa ilang intervention, mga gihimung aktibidad ug tabang sa LGU ug uban pang organisasyon.
Tungod niini, mihangyu kini sa tanang katawhan nga dili gelayon husgahan ang batang makasala hinoon hatagan kini ug tsan-sa nga mabag-o ug makab-ot usab ang ilang pangandoy sa kinabuhi.
Gipahibalo usab niini nga dunay himoon silang subling pagbansay paghuman sa piniliay karung Mayo ilabina sa mga barangay nga dunay mga bag-ong opisyales.
Samtang sa pakighinabi usab ni Marrieta Jandayan, gipadayag niini ang iyang dakong kalipay nga modawat sa maong pasidungog dungan sa pagpasalamat sa suporta sa iyang kaubanan sa opisina.
