BUTUAN CITY – Tulo ka mga gold medals na ang nasakmit sa delegasyon sa Caraga Region sa nagpadayong 61st Palarong Pambansa 2018 sa Vigan City, Ilocos Sur.
Parehong mga delegado sa Anibongan National High School sa lungsod sa Lianga, Surigao del Sur ang mga nakasakmit sa tulo ka mga gold medals alang sa c adets division nga parehong gikan sa wrestling event kondiin gawas pa kini sa natalang tag-usa ka silver og bronze medals sa susamang sporting event.
Gi-ila ni Dr. Isidro Biol Jr. – tigpamaba sa DepEd-Caraga sa eksklusibong interview sa Bombo Radyo Butuan, ang mga naka-gold nga atletang sila Mel Naret sa 46-kilogram male category, Julius Tejero alang sa 50-kilogram male category og Sherilyn Tagra alang sa 48-kilogram female category.
Samtang naka-silver usab si Rhea Lyn Gera alang sa 40-kilogram female bronze og naka-bronze usab si Sandara Muyco alang sa 44-kilogram female category.
Alayon niini, gipadayag ni Dr. Biol nga makadawat og tag-sien mil pesos (P110K) nga reward ang mga gold medalists.
Karong adlawa, duna usa’y mga Caraganons nga magdula sa major categories alang sa quarter final sama sa boxing, archery og uban pa. (Melody Valledor)
