BUTUAN CITY – Adunay gamay nga tensyon sa ikaduhang adlaw sa impeachment trial ni Vice President Sara Duterte human gi-question sa kampo sa depensa ang testimonya sa testigo gikan sa National Bureau of Investigation (NBI) nga si senior agent John Mark Calilung.
Sa maong pagdungog kagahapon, gipangutana sa prosecution si Calilung kabahin sa usa ka screenshot ug printout sa pamahayag sa Armed Forces of the Philippines.
Gikumpirma sa testigo nga pareho ang sulod sa duha ka dokumento. Apan gi-apela sa defense counsel nga si Atty. Carlo Narvasa ug gi-question kung gi-unsa kini pagsiguro sa testigo, kay ang printout sa dokumento anaa man sa panig sa depensa.
Dinhi gibutyag ni Narvasa nga daw nagsunod lang sa script ang testigo nga daling gibaraw sa prosekusyon. Gipangayo ni House prosecutor Atty. Virgil Ligutan nga tangtangon sa record ang maong pamahayag dayong butyag nga gisusi una sa testigo ang dokumento sa wala pa kini gihatag sa depensa.
Padayon nga gipresenta sa prosecution ang mga ebidensya nga may kalabotan sa ika-upat nga articles of impeachment, lakip na ang mga video clip sa pahayag ni Vice President Duterte nga naglangkob og mga hulga batok kang Pangulong Ferdinand Marcos Jr., First Lady Liza Araneta-Marcos, ug kanhi House Speaker Martin Romualdez.
