BUTUAN CITY – Hingpit nang nadawat sa 23 ka mga kanhe rebelde financial assistance ilalom sa Enhanced Comprehensive Local Integration Program kon E-CLIP atol sa special provincial peace and order council kon PPOC meeting sa Agusan del Norte sa nakalabay nga adlaw.
Si Agusan del Norte governor Ma. Angelica Rosedell M. Amante-Matba ang nanguna sap ag-apod-apod sa E-Clip package of assistance ngadto sa mga kanhe rebelde kauban si governor-elect Dale Corvera ug mga miyembro sa PPOC.
Gidasig ni Governor Matba ang mga niini nga tabangan ang gobyerno sa tinguhang makab-ot ang kalinaw sa ilang mga kumunidad. Misaad pa si Matba nga motabang sa edukasyon sa ilang mga bata.
Sa matag bata sa kanhe rebelde nga nagtungha sa elementarya makadawat ug 2-mil pesos samtang sa sekondarya moabot sa 6-mil pesos ang madawat.
Muabot sa katibuk-ang 2-milyones 633-mil pesos ang gibana-banang nahatag sa Department of the Interior and Local Government kon DILG – Agusan del Norte alang sa E-CLIP assistance ug 105-mil pesos gikan sa Department of Social Welfare and Development kon DSWD Financial Assistance para sa 23 ka kanhe rebelde nga nagdisesyon nga e-abandona ang pakigbisog.
Sigon ni alyas “Jakar,” 25-anyos nga kanhe rebelde sulod sa 3 ka tuig, walay tumong ang kinabuhi sa mga rebelde diin sige lang ug pakig-giyera nga walay rason ug nagpabiling saad ang maayong kinabuhi.
Karung anaa na siya sa gobyerno, makasugod na matud pa siya og bag-ong kinabuhi pinaagi usab sa local integration program sa gobyerno.
Miabot usab sa uno milyones 353-mil pesos ang kantidad sa nasurender nilang mga armas.
Niadtong Hunyo 6, ang mga benipisyaryo mitambong sa tulo ka adlaw nga financial management seminar –workshop nga gipahigayon sa Provincial Social Welfare and Development Office ug sa Philippine Army.
Ang 23 ksa kanhe rebelde, gilangkuban sa upat nga misurender sa 29IB, 13 sa 23IB, ug unom usab sa Philippine National Police.
