BUTUAN CITY – Gipangandaman na sa Department of Education kon DepEd – Caraga ang pagpahigayon sa 21st Caraga Regional Athletic Meet kon CRAM dinhi sa syudad sa Butuan.
Sa pakighinabi ning sibyahan, gibutyag ni Elizalde Bernales, tigpamaba sa DepEd – Caraga, naplastar na nila ang mga billeting quarters alang sa mga atleta ug sa katibuk-ang delegado nga mulambigit sa nasangpit nga kalihukan.
Lauman ang pag-abot sa mga delegado gikan sa nagkada-iyang mga division offices karong Pebrero. 20 kondiin plastar na usab ang 25 ka mga working committees.
Andam na usab ang budget alang niini anga gilaumang magmalampuson.
Ipahigayon ang opening ceremony karong Pebrero 25 ug mulungtad kini sa Marso 1 diin gibana-banang muabot sa 8-mil ang gidaghanon sa mga delegado nga mulambigit sa 26 ka mga sporting events nga ipahigayon dinhi sa syudad sa Butuan og sa mga lungsod sa Buenavista ug Nasipit sa Agusan del Norte. (Mon Aplaya)
