BUTUAN CITY – Mapasegarbuhon misalmot ang Department of Social Welfare and Development kon DSWD-Caraga sa pagsugod sa selebrasyon sa 2026 National Women’s Month Month Celebration nga gihimo sa Caraga State University sa Ampayon, Butuan City, kauban ang mga national government agencies, government-owned and controlled corporations (GOCCs), ug mga development partners nga nagkahiusa sa pagpanalipod sa katungod sa kababayen-an ug sa pagpalambo sa gender equality.
Gidawat ni CSU President Dr. Rolyn Daguil ang mga partisipante ug gibutyag nga ang maong selebrasyon padayon nga mitubo ug nahimong mas lig-on ug mas inklusibo nga plataporma, nga makita sa nagkadaghang mga ahensya ug partners nga miapil matag tuig.
Sa panig usab ni Regional Director Alexander Makinano, Chairperson sa Regional Gender and Development Committee (RGADC), naghatag kini og makapukaw nga mensahe nga nakabase sa datos bahin sa kapintasan batok sa kababayen-an.
Gipahinumduman niya ang mga duty bearers nga dili igo ang selebrasyon lamang—kinahanglan adunay konkreto ug padayon nga aksyon. Dugang nga nagpalawom sa diskusyon, ang Commission on Human Rights (CHR) OIC–Promotion and Advocacy Division nga si Mr. Edson Alijo kansa naghisgut sa Gender-Fair Language ug Responsible Reporting.
Gipahinumduman niya ang mga mitambong sa ilang responsibilidad isip GAD champions—ug isip mga tiggamit sa social media—nga magpahayag uban ang hustisya ug pagkamatinahuron.
Isip Chair sa Regional Inter-Agency Committee Against Trafficking and Violence Against Women and Their Children (RIACAT-VAWC), ang DSWD Field Office Caraga nagpamatuod pag-usab sa lig-on ug padayon nga paningkamot sa pagpanalipod ug pagpalambo sa katungod sa kababayen-an—pinaagi sa mas lig-on nga adbokasiya, responsibong mga programa, ug komprehensibo, trauma-informed nga pagdumala sa mga kaso sa matag na-report nga insidente.
