BUTUAN CITY – Giproseso na ang dokumento alang sa pagpa-enroll sa Enhanced Comprehensive Local Integration Program kon E-CLIP sa duha ka miyembro sa rebelding New People’s Army kon NPA kansa misurender ngadto sa 23rd Infantry Battalon, Philippine Army niadtong Abril 26, 2019.
Nailhan ang mga misurender nga sila Arkie Dalasay Torres alyas ka ROY, Vice Team Leader, 44-anyos og Henry Liaban Anlogmas alyas Ka RENJAY, 26-anyos nga parehong nahisakop sa years Guerilla Front 34, South Mindanao Regional Committee kon SMRC sa NPA.
Bitbit sa ilang pagsurender ang usa ka kalibre 45 nga pistola, usa ka .9mm KG-9 kon submachine gun nga dunay Magazines ug mga buhing bala.
Sumala pa ni Lt Col Francisco L Molina Jr , Commanding Officer sa 23IB, gi-welcome nila ang maong pagsurender kansa usa ka maayong disesyon nga ilang gihimu alang sa ilang kaugalingon ug pamilya.
