BUTUAN CITY – Kutob na lang sa pagbangutan ang mga ginikanan sa duha ka mga batang lalaki nga nalumos-patay samtang naligo sa dagat sa Purok Gumamela sa Brgy. Aras-asan lungsod sa Cagwait, Surigao del Sur kagahapon sa ala-una sa hapon.
Gi-ila ni P/Sr. Insp. Jovanne Pendoy, hepe sa Cagwait Municipal Police Station ang mga biktimang sila James Rivas Roldan, 8-anyos og Kent Baby Dubio, 9-anyos, parehong residente sa maong lugar.
Migawas sa ilang imbestigasyon nga nagkahagaray matud pa ang mga biktima kauban ang lain pa nilang higalang sila Kylie og Ryan nga maligo kondiin wala sila mananghid sa ilang mga ginikanan.
Una matud pang mi-ambak si Roldan og dihang nakumpirmang mabaw lang ang gi-ambakang parte sa dagat, misunod kaniya si Dunio kansa gilayon sa ilang pagpangayo og tabang sa duha nila ka mga ka-ubanang wala pa maka-ambak
Daling mipa-uli si Kylie og gipahibalo ang maong insidente apan na-abtan pa usa ka oras og tunga adiser napalgan sa 38-anyos nga si Charlito Bajao ang duha kinsa gidala pa sa ospital sa ilang lungsod apan parehong gideklarang dead-on-arrival sa attending physician. (Beth Ruiz)
