BUTUAN CITY – Duha ka mga ulitawo ang natalang naghikog kagahapong adlawa dinhi sa Caraga Region tungod sa managlahing rason.
Unang natala ang kaso sa Surigao City human napalgang wala na’y kinabuhi si Julius Literal, 21-anyos sulod sa ilang pinuy-anan sa Purok Sampaguita, Brgy. Taft.
Gika-ingong hubog matud pa ang biktima hinungdan nga dako na lang ang kakurat sa iyang mga kabanay dihang nakit-an na lang nila kining nagbitay na pasado alas-5:30 kagahapon sa sayong buntag.
Pagka-alas tres usab sa hapon, napalgan na lang sa iyang igsoong nagbitay na sa kusina ang 46-anyos nga si Rico Badiba, residente sa Purok 5, Brgy. Taligaman ning siyudad sa Butuan.
Gika-ingong mihalok pa kini sa agtang sa ilang 82-anyos nga inahan pipila ka minutos lang adiser ang maong hitabo og gitu-uhan nilang ang kabalaka niini sa kadako na sa ilang utang tungod sa iyang gihambing sakit nga ulcer ang hinungdan sa iyang paghikog gamit ang pisi.
Gidala pa kini sa Butuan Medical Center apan gideklara kining dead on arrival sa attending physician.
