BUTUAN CITY – Padayon ang gihimong imbestigasyon sa mga sakop sa Butuan City Police Station 2 sa natigayong pagpamusil pasado alas-11:15 kagabii sa Purok 7, Ressurreccion Compund Brgy. Holy Redeemer ning siyudad sa Butuan nga mi-angol og duha ka mga lab-asero.
Naila ang mga biktimang sila Jovannie Yungco. 34-anyos, ulitawo og Bobby Sayas, 26-anyos, ulitawo, parehong residente sa susamang lugar.
Gibutyag ni Yungco nga iyang gibadlong ang mga nag-inom sa gawas nga bahin sa ilang panimalay tungod sa kalawom na sa kagabhion nga gikasuko sa mga niini.
Nakurat na lang siya dihang gibato siya og gigukod hinungdan sa iyang pagdagan sa pinuy-anan ni Sayas kondiin dinhi na sila gipamusil nga miresulta sa ilang pagka-angol.
Naka-angkon og samad sa bitiis ang duha ka mga biktima kinsa nagpasalamat na lang tungod kay wala ma-angin ang pamilya ni Sayas nga nakamata tungod sa maong komosyon. (Beth Ruiz)
