BUTUAN CITY – Gikumpirma ni Atty. Racquel Limbaco – election supervisor sa Commission on Elections kon COMELEC-Surigao del Norte nga ang duha ka nangdaug pa lang nga mga kongresista sa maong lalawigan ang bugtong nilang naproklama kaganinang kaadlawon.
Kini tungod sa upat ka adlaw nga delay sa canvassing of votes nga hatud sa problema nila sa pagpalyar sa 48 ka mga SD cards kondiin gihulatan pa nila nga ma-download ang configuration niini gikan sa Sta. Rosa, Laguna.
Sa eksklusibong interview sa Bombo Radyo Butuan, gipadayag ni Atty. Limbaco nga bugtong sila Surigao del Norte 1st District Congressman-elect Bingo Matugas og 2nd District Congressman-elect Ace Barbers pa lang ang ilang naproklama.
Tungod matud pa sa kadaghan sa mga SD cards nga mipalyar rason nga kagabii pa usab nila naproklama ang mga midaog sa mga lungsod sa Placer, San Francisco og San Benito.
Gusto ni Atty. Limbaco nga ma-imbestigahan ang maong palpak aron masayran ang hinungdan niini ilabina nga dakong delay ang hatud niini sa ingon mapanubag ang angayang manubag.
