BUTUAN CITY – Sunduon na karong adlawa sa Pinay nga misis ang iyang banang Australyano human naluwas gikan sa pagkatikla-ob ang ilang gisakyang yate sa kadagatan sa Siargao Islands.
Sigon ni P/Chief Insp. Armando Martisano, officer in charge sa Tandag City Police Station sa lalawigan sa Surigao del Sur, duna na’y constant communication sa ilang tagsa-tagsa ka pamilya sa Australia ang mga survivors nga sila Lawrence Alfred Mallea, 68-anyos, residente sa Trinity Beach, 4879 Queensland, Australia;og Lionel Peter Ansselin, 74-anyos, nga naminyo og Pinay nga si Gemma Menamkat, nga taga-Bawang, La Union.
Gipahiluna na sa usa ka local funeral homes ang namatay nga si Anthony John Mahoney, 73-anyos, residente sa Townsville, North Queensland, Australia.
Dugang pa sa opisyal nga ang buslot sa yate ang hinungdan sa pagtikla-on niini adiser nakasulod ang bagyong Urduja sa Philippine Area of Responsibility hinungdan sa unom ka adlaw nilang paglutaw- lutaw sa dagat afiser naluwas samtang sakay sa usa ka dakong floater.
Buhi pa apan unconscious na matud pa si Mahoney dihang nabangalan sila sa usa ka mananagat apan namatay ra usab pipila ka oras human gidala sa ospital tungod sa dehydration.
Gipahibalo na sa management sa gidalhan nilang ospital ang Australian Embassy sa Manila aron sila na ang muhimo og sunod nga lakang human naluwas ang ilang kababayan. (Beth Ruiz)
