BUTUAN CITY – Usa ka 96-anyos Lola ang nakabakunahan na kontra COVID-19 dinhi sa dakbayan sa Butuan.
Naila kini nga si Melecia M. Arnaiz balo kinsa mag-97-anyos karong Mayo 24.
Sumala ni Micihiko De Jesus ,ang tigmapaba sa LGU-Butuan sa pakighinabi ning sibyaha, lakip lamang si Lola Arnaiz sa tulo ka senior citizens mga anaa na sa 90 anyos pataas sa syudad ang nagpabakuna na kontral COVID-19 sukad kini gisugdan adtong Lunes.
Sumala pa, gipangutana lang si Lola Arnaiz sa iyang anak kung muoban ba kini nga magpabakuna ug dihang nasayran nga alang kini sa iyang dugang proteksyon batok COVID-19, wala matod pa kini magmakuli nga mo-uban. Nasayran nga walay gihambing sakit ug walay ginainom nga maintenance nga tambal ang 96 anyos nga Lola.
Gipadayag usab ni De Jesus nga ang wala nay rason ang mga tao karon nga dili magpatupok sa bakuna tungod kay nahimo man kini sa maong Lola taliwa sa iyang pangidaron.
Giklaro usab ni De Jesus nga ang pre-register online aron maapil sa COVID-19 vaccination program abre pa lamang alang sa Barangay Lapu-Lapu kansa og maayo matod pa ang turnout gilayon kining abrihan sa ubang mga barangay.
