BUTUAN CITY – Nag-instalar og 15 ka yunit sa mga greenhouses ang Butuan City Agriculture’s Office alang sa mga vegetable farms nga ubos sa Agri-Boost project sa lokal nga kagamhanan.
Sigon ni City Agriculture Chief Engr. Pierre Anthony Joven, target sa maong proyekto nga duna’y 30 ka yunit sa greenhouses ang mahatag ngadto sa 30 usab ka mga vegetable farmers.
Gikaro sa opisyal nga by-batch ang pag-instalar niini sugod ning mi-aging tuig nga gi-unhan og lima ug napulo ning tuiga ug sa maong ihap, napulo ang gigamit na.
Gidugang sa opisyal nga ang maong mga mag-uuma maoy ilang gipiyalan sa target sa city government nga duna’y supisyenteng supply sa gulay ang siyudad.
Gawas pa kini sa himuong research karong buwana alang sa comparative study sa ingon matandi ang produksyon sa gulay nga gigamitan og greenhouse ug kadtong wala.
Ang matag mag-uuma, magtanom og gulay sulod sa 160-square meters nga gidak-on sa greenhouse ug laing mga gulay usab ang itanom sa susamang gidak-on nga 160-square meters sa open field.
