-- ADVERTISEMENT --
BUTUAN CITY – Nagpatabang na sa kapulisan ang ginikanan sa usa ka 15-anyos nga dalagita human nga wala na kini maka-uli pa sa ilang pinuy-anan sukad mibiya sa ilang panimalay.
Naila ang na-missing nga si Hannah Karylle Rusiana, residente sa Purok 1, Brgy. Taganito, lungsod sa Claver, Surigao del Norte ug nagtungha sa Taganito National High School.
Base sa asuy sa mga ginikanan sa biktima, mibiya sa ilang panimalay ang dalagita kagahapon sa alas-dies sa buntag og wala na maka-uli pa rason nga ila na kining gidangop sa kapulisan human nga wala na sila masayod kung asa na kini.
Alang niadtong duna’y kasayuran sa nahimutangan ni Hannah, mahimong mutawag o kaha muduol lang sa Claver Municipal Police Station.
