BUTUAN CITY – Anaa na sa state of decomposition ang patay’ng lawas sa usa ka 15-anyos nga dalagita nga napalgan dapit sa Filipinista cemetery sa Brgy. 12, Cabadbaran City kagabii.
Migawas sa imbestigasyon sa kapulisan nga posibleng pila ka adlaw nang patay ang biktimang gitago lang sa pangalang Inday, lumad ng taga-Brgy. Pitogo, lungsod sa Jabonga, Agusan del Norte apan didto nagtungha sa Cabadbaran City.
Gika-ingong na-missing na ang biktima apan wala lang panumbalinga sa iyang mga ka-uban sa balay sa pagtuong mipa-uli kini sa ila ilabina panahon sa pagpatuman sa community quarantine.
Mi-espongha na ang baho sa palibot rason nga gipanubayan kini ug dinhi na nakita ang patay’ng lawas nga giputos pa og jacket.
Gi-otopsiya na ang patay’ng lawas aron masayran ang hinungdan sa iyang kamatayon.
