BUTUAN CITY – Mipa-uli una kaganinang buntag sa ilang panimalay ang 14 ka mga pamilya sa Purok 3, Brgy. De Oro ning siyudad human ang ilang paghikling kagahapon tungod sa landslide nga hatud sa pila ka adlaw na nga mga pag-ulan.
Nasayrang human sa landslide, dali kining girespondehan sa City Disaster Risk Reduction and Management Office kon CDRRMO ug sa ilang gihimong ground assessment, dunay nakitang mga liki sa yuta samtang usa ka balay ang naka-angkon og grabe nga damyos sa ilang salog.
Kaganina, namalik sa ilang pinuy-anan ang maong mga pamilya aron makatungha ang ilang kabataan dungan sa pagsaad nga mubalik ra pagpamakwit kung padayon ang pag-ulan.
Gi-abisohan ang mga residente nga magmabinantayon ug mahimung alerto sa matag karon ug unya.
