BUTUAN CITY – Gi-abisuhan ang publiko nga dili luwas ka-unon ang mga shellfish nga makuha gikan sa 12 ka mga baybayon sa nasud human nagpositibo sa makahilong red tide.
Base sa gipagawas nga latest shellfish bulletin sa Bureau of Fisheries and Aquatic Resources (BFAR), nagpositibo sa toxic red tide o paralytic shellfish poison ang Dumanquillas Bay sa Zamboanga del Sur ug San Benito sa Surigao del Norte.
Apil usab niini ang Samar, apil ang Daram Island, Zumarraga Island, Irong-Irong Bay, Villareal Bay, Cambatutay Bay, ug Maqueda Bay.
Anaa pa ang Matarinao Bay sa Eastern Samar, Cancabato Bay sa Leyte, Puerto Bay sa Puerto Princesa City, Palawan ug Tungawan sa Zamboanga Sibugay.
Apan luwas matud pa ang mga isda, nukos, pasayan ug alimango sa maong mga lugar basta presko lang kini, hugasan og maayo ug tangtangon ang ilang hasang ug intestines.
