BACOLOD CITY – Magabukas subong nga adlaw ang ika-11 nga Negros Island Organic Farmers Festival sa ciudad sang Bacolod.
Ang kahiwatan kinaandan nga ginahiwat sa Capitol Grounds kag sa North Capitol Road apang subong nga tuig, ini ang pagahiwaton sa Negros First Cyber Center.
Suno kay Governor Alfredo Marañon, ang cyber center sampaton nga pagahiwatan sang organic festival bangud mas maligwa ang lugar kag may pasilidad pananglitan may pagahiwaton nga seminar.
May angot sini, pila ka matag-as nga opisyal ang ginalauman nga magaabot kaangay na lamang nanday Department of Tourism Undersecretary Daniel Angelo Mercao,
Department of Interior and Local Government Undersecretary for Operations Atty. Hesus Hinlo kag Department of Agriculture National Organic Agriculture Program Grace Ducuyanan Moore.
Ginalauman man nga magaabot si Negros Oriental Gov. Roel Degamo kag pila ka opisyales sa pihak nga probinsiya.
Ang Negros Island Organic Farmers Festival magatakop sa Nobyembre 19.
