BUTUAN CITY – Napulo ka mga tawo ang patay samtang laing 160 ka mga villagers ang gipangdagit gikan sa usa ka hilit nga komunidad sa central Niger state sa Nigeria.
Kini human nga ubay-ubay nga mga armadong kalalakin-ang gidudahang gikan sa militanteng Islamistang grupong Boko Haram, ang misakop sa Kuchi village ning mi-aging gabii.
Kadaghanan sa gipangdagit mga bata ug mga babaye samtang ang gipangpatay mao ang mga local hunters nga naghatag og seguridad sa maong lugar. Nasayrang nagsakay sa ilang motorbikes ang mga gunmen padulong ngadto sa Kuchi kondiin nakaluto pa sila og mga pagkaon, nagtimpla pa pog tsaa ug nakapangawat pa sa kabalayan adiser mibiya paglabay sa duha ka oras.
Sigon ni local official Aminu Abdulhamid Najume, ang chairman sa Council of the Munya Local Government Area, na-trauma ang Kurchi community ug naglagot human nasayran ang gidaghanon sa gipangdagit.
Gikabalaka usab sa Amnesty International ang natigayong mass abduction tungod kay laing indikasyon na usab matud pa kini sa kapalpak sa Nigerian authorities pagprotekta sa kinabuhi sa ilang katawhan.
