BUTUAN CITY – Gikustudiya na sa Butuan City Police Station-3 ang usa sa mga suspetsadong miluba sa drayber ni kanhe Mayor Daisy Plaza human kini nasikop sa niaging alauna sa hapon.
Nasayrang natigayon ang pagpangluba niadtong Marso 3, 2018 sa alas 7:30 sa gabii sa may J.C. Aquino, Barangay Bayanihan ning siyudad sa Butuan.
Nakatakdang mapasakahan ug kaso ang nadakpan nga si Edward Limit, nga gihimakak ang kalambigitan sa maong salaod.
Sa eksklusibong pakighinabi ning sibyahan ngadto sa suspek, gipahayag niini nga ang iyang kaubang si William Duran nga taga Barangay Cabcabon ang miluba sa biktimang si Jorge Gulayan Soliva, 48-anyos nga taga barangay 8 Lapu-lapu ning dakbayan.
Saysay pa niini nga nag-inom lang sila niadtong higayona sa dihang natripan sa iyang kauban ang biktima nga gihapak sa baso ug dayung luba adiser misibat.
Sa karun, napasaka na ang kasong frustrated homicide batuk sa nadakpang suspek samtang padayon pang gipangeta ang kauban niini.
Sa nakuhang impormasyon, nagkaon lang ug barbeque ang biktima sa usa ka tindahan sa maong dapit sa dihang kalit nga gibirahan.
Subay usab sa maong hisgutanan, gi-awhag ni Police Chief Inspector Renato Badajos, sa Butuan City Police Station-3 ang mga kabanay sa suspek nga si William Duran nga hangyoon kining musurender aron mapagaan ang kaso.
