BUTUAN CITY – Usa ang patay sam tang laing usa ang anaa sa kritikal nga kahimtang human ang vehicular accident kaganinang alas-7:20 sa buntag dinhi sa siyudad sa Butuan.
Na-ila ang namatay nga si Rommel Tadipa, 61-anyos driver sa traysikel ug residente sa Purok Pechay, Brgy. Golden Ribbon ning siyudad samtang ang anaa sa ospital ug padayon pang gitambalan mao ang driver sa motorsiklo nga si Matt Kevin Mercado, 27-anyos, residente sa Purok 15, Mandacpan, Brgy. San Vicente ning siyudad.
Sigon ni PLt. Abel Bulawan, information officer sa Butuan City Police Office, sa pakighinabi sa Bombo Radyo Butuan, nagsunod matud pa ang duha ka mga sakyanan padulong sa southern part apan pag-abot nila sa South Montilla Blvd sa Brgy. JP Rizal, kalit nga miliko pawala ang traysikel rason nga nadumbulan kini sa nagsunod nga motorsiklo sa pagkatumba sa duha ka mga sakyanan.
Nadat-ugan sa iyang traysikel si Mercado ug nabali matud pa ang lawas niini resulta sa iyang hinanaling kamatayon.
