BUTUAN CITY – Mikalas sa usa ka kinabuhi sa Grade 9 student samtang kritikal ang usa pa sa nahitabong aksidente sa dalan kaganinang alas 8:15 sa buntag sa may National Highway Zone 2, Poblacion 2, lungsod sa Santiago, Agusan Del Norte.
Naila ang biktima nga si Bryan Sandag, drayber sa usa ka single motor samtang kritikal ang backrider nga si Cyril Husay, parehong 14-anyos ug Grade 9 student nga lumolopyo sa Barangay Pangaylan-Ip sa maong lungsod.
Sa impormasyong nakuha ning sibyahan gikan sa Santiago Municipal Police Station, nag-gikan sa Barangay Pangaylan-Ip ang mag biktima ug magpatubil na unta sa usa ka gasoline station sa dihang kalit kining gibundol sa usa ka pribadong sakyanan nga gimanehuan ni Froilan Homicillo, menyu nga taga Purok-2 Barangay Anislagan, Placer Surigao Del Norte nga padulong unta ning siyudad sa Butuan.
Tungod sa kakusog sa pagkabangga, nalagpot ang mga biktima ug nabunal sa sementong bahin hinungdan sa nahiagum nga mga injuries kalawasan.
Dali kining gidala sa kapulisan ngadto sa Cabadbaran District Hospital apan gideklarang dead-on-arrival anh drayber nga si Bryan samtang kritikal ang angkas niini nga gi-refer na usab sa usa ka balay tambalanan ning dakbayan.
Misurender usab ang drayber sa sakyanan nga anaa na karun sa Santiago Municipal Police Station alang sa tukmang disposasyon.
