BUTUAN CITY – Gibana-banang dili moubos sa 1.7 milyones pesos ang damyos sa natigayong sunog Purok-3, Villanueva Extension ug P-4 Lopez Jaena Extension sa barangay Tandang Sora ning siyudad sa Butuan.
Sigon ni SFO4 Rodrigo Canton, City Fire Marshall sa Bureau of Fire Protection kon BFP-Butuan, 55 ka panimalay ang nalamoy sa maong sunog ug duha usab ang partially damaged.
Nahimong biktima niini ang 61 ka pamilya o muabot sa 276 ka individual, ug hinoon walay natalang samaron sa maong insedente.
Sumala pa ni SFO4 Canton, padayon usab ang ilang imbestigasyon aron masuta ang hinungdan sa pag-ulbo sa kalayu nga miabot sa 4th alarm diin mitabang sa pagresponde ang BFP-Nasipit ug Buenavista.
Miabot matud pa sa maong kadako ang damyos tungod kay gawas sa gama sa light materials ang kasagarang panimalay, pit-os usab ang agi-anan sa maong lugar.
Nadugang pa niini ang kadaghang mga butang nga nasalabar nga anaa sa gibutang sa dalan
